老 字 號

 

除 了 自 製 食 品 ， 老 字 號 也 賣 零 食 ， 都 是 店 主 Sandy 外 遊 時 精 選 的 ， 有 薯 片 、 糖 果 、 雪 糕 和 飲 品 ， 外 間 少 有 。

自 問 對 食 有 要 求 ， 就 算 沒 時 間 下 廚 要 吃 即 食 食 品 ， 也 要 是 高 質 素 的 ， 所 以 我 久 不 久 便 去 「 老 字 號 」 。 這 家 摩 登 雜 貨 店 反 潮 流 而 行 ， 不 賣 火 腿 、 芝 士 和 牛 扒 ， 主 打 自 家 製 的 雪 藏 食 物 ， 菜 肉 雲 吞 、 糖 醋 骨 、 老 火 湯 、 醉 雞 ， 還 有 炆 好 的 溏 心 鮑 魚 。 煮 熱 即 食 ， 就 像 有 家 廚 看 門 口 ， 讓 我 可 安 在 家 中 、 不 分 晝 夜 食 餐 好 。

迷 你 精 品 超 市

除 了 走 高 檔 路 線 的 大 型 摩 登 超 市 ， 近 幾 年 一 些 小 型 精 品 超 市 也 如 雨 後 春 筍 般 湧 現 。 她 們 地 方 小 小 ， 賣 的 貨 品 數 量 亦 有 限 ， 但 勝 在 賣 的 都 是 店 主 親 自 揀 選 、 一 般 超 市 找 不 到 的 貨 色 ， 有 些 賣 世 界 名 牌 食 品 ， 有 些 賣 日 本 貨 / 意 大 利 貨 ， 個 性 鮮 明 ， 很 受 識 飲 識 食 的 客 人 歡 迎 。

老 字 號 有 別 於 一 般 高 檔 雜 貨 店 ， 乾 貨 如 調 味 料 、 意 粉 、 罐 頭 的 種 類 很 少 ， 最 多 的 反 而 是 即 食 雪 藏 食 品 。 繞 埋 手 食 好 ， 難 怪 下 午 吸 引 不 少 太 來 買 鮑 魚 ， 放 工 時 段 則 有 不 少 「 無 飯 」 夫 婦 來 加 。
其 中 最 熱 賣 的 是 「 湯 冰 」 。 「 呢 係 老 火 湯 冰 ， 只 要 煲 番 熱 就 飲 得 ， 連 水 都 唔 使 加 。 」 當 中 以 乾 鮑 花 膠 鯊 魚 骨 煲 瘦 肉 湯 最 好 賣 ， 奶 白 濃 郁 ， 滲 透 花 膠 鮮 甜 ， 十 足 阿 媽 老 火 湯 ， 誰 想 到 它 由 「 湯 冰 」 演 變 出 來 ？
發 明 這 湯 水 的 ， 是 老 闆 娘 Sandy 。 她 出 身 自 識 飲 識 食 家 庭 ， 養 成 一 個 饞 嘴 巴 。 由 於 吃 不 慣 街 外 的 東 西 ， 便 想 到 將 家 中 食 品 雪 藏 急 凍 ， 幾 時 吃 都 可 以 。
店 中 的 10 款 湯 就 是 她 不 斷 嘗 試 的 成 果 ， 大 都 以 矜 貴 材 料 如 花 膠 、 螺 頭 等 煲 成 ， 足 料 方 便 ， OL 和 年 輕 夫 婦 很 受 落 ， 去 年 就 連 city'super 都 向 她 招 手 ， 將 湯 冰 引 入 售 賣 。

以 往 湯 冰 只 用 透 明 膠 袋 載 ， 如 今 用 靚 靚 密 封 袋 ， 賣 相 更 吸 引 。 每 包 約 3 人 分 量 。	Sandy 的 丈 夫 Simon （ 右 ） 長 駐 店 中 ， 每 有 客 人 買 鮑 魚 ， 他 便 會 細 心 講 解 其 加 熱 方 法 。
別 以 為 去 錯 了 煲 仔 飯 店 ， 面 全 是 Sandy 自 製 的 菜 ， 方 便 客 人 直 接 加 熱 。	有 客 人 訂 鮑 魚 ， Sandy 就 會 在 店 後 的 廚 房 烹 調 。

用 靚 料 無 味 精

湯 冰 之 外 ， 她 還 將 自 家 製 的 菜 肉 雲 吞 、 鮮 肉 、 芒 果 布 甸 等 放 在 店 中 賣 。 「 鋪 頭 賣 同 我 屋 企 整 無 分 別 。 我 本 身 唔 食 味 精 同 罐 頭 ， 亦 唔 信 大 陸 。 食 水 都 要 用 濾 水 器 過 濾 ， 寧 舍 純 淨 ， 煮 都 入 味 。 」
因 為 這 份 挑 剔 ， 她 不 惜 工 本 用 靚 料 ， 炆 鮑 魚 只 用 新 鮮 材 料 如 雞 腳 、 火 腿 提 味 ， 絕 不 加 蠔 油 ， 怕 搶 了 鮑 魚 鮮 ； 雲 吞 餡 是 選 肥 瘦 恰 好 的 健 味 豬 加 有 機 農 村 菜 ， 爽 口 味 鮮 又 健 康 ； 簡 單 如 芒 果 布 甸 ， 每 杯 都 加 入 原 隻 呂 宋 芒 ， 務 求 啖 啖 果 肉 。
由 於 店 子 地 方 有 限 ， 湯 冰 、 雲 吞 、 甜 品 等 食 品 會 在 新 界 的 工 場 炮 製 ， 隔 天 運 到 店 中 ； 而 鮑 魚 則 由 Sandy 親 自 在 鋪 後 面 的 小 廚 房 烹 調 ， 因 用 料 和 方 法 都 是 秘 密 。
雖 然 ， 我 略 嫌 她 炆 的 鮑 魚 質 感 稍 腍 ， 味 道 也 幾 乎 比 濃 汁 蓋 過 ， 但 整 體 食 物 水 準 都 在 中 上 。 我 特 別 欣 賞 Sandy 的 一 份 貼 心 。 熱 食 的 菜 像 鮑 魚 、 糖 醋 骨 、 咖 喱 煲 等 都 用 瓦 煲 盛 載 來 賣 ， 而 非 一 般 膠 盒 。 「 用 瓦 煲 載 食 物 ， 客 人 返 到 屋 企 即 刻 放 爐 上 煮 ， 食 完 唔 想 洗 ， 我 寧 願 佢 掉 個 煲 ， 都 好 過 用 膠 盒 裝 ， 成 盒 拎 去 叮 ， 叮 乾 晒 唔 好 食 。 」 她 說 。

A 古 法 糖 醋 骨 $53
糖 醋 骨 酸 咪 甜 香 不 嗆 喉 ， 開 胃 。
B 芒 果 布 甸 $19/ 杯
內 含 原 個 呂 宋 芒 ， 啖 啖 香 甜 果 肉 ， 布 甸 再 細 滑 一 點 更 佳 。 配 膠 羹 和 淡 奶 ， 細 心 。
C 花 雕 醉 鴨 舌 $65(350g)
鴨 舌 大 隻 兼 厚 肉 ， 散 發 陣 陣 酒 香 ， 零 舍 滋 味 。
D 秘 製 南 非 三 頭 乾 鮑 $2,200-$2,400 （ 視 乎 大 小 而 定 ）
手 掌 般 大 的 三 頭 南 非 鮑 魚 ， 色 深 濃 香 ， 切 開 帶 少 許 黏 刀 ， 但 咬 落 稍 為 腍 身 。 另 有 四 至 六 頭 以 供 選 擇 。
E 花 雕 醉 雞 $88 （ 半 隻 ）
醉 雞 以 兩 種 花 雕 炮 製 ， 一 種 較 溫 和 ， 一 種 較 濃 味 ， 做 出 來 的 醉 雞 ， 滿 身 酒 香 。
F 乾 鮑 花 膠 鯊 魚 骨 煲 瘦 肉 湯 $72
將 湯 冰 煲 滾 即 成 ， 啖 落 不 單 無 雪 味 ， 還 充 滿 甜 香 。
G 炒 蟹 粉 $430 （ 八 隻 蟹 苗 分 量 ）
蟹 粉 是 由 陽 澄 湖 蟹 苗 拆 下 的 ， 蟹 膏 較 多 ， 不 用 加 配 料 ， 以 芥 花 籽 油 同 炒 ， 健 康 中 不 失 甘 香 ， 用 來 伴 麵 或 配 多 士 ， 極 品 。
H 泰 式 咖 喱 雞 煲 $58
紅 喱 喱 雞 煲 很 足 料 ， 除 了 雞 髀 肉 ， 更 加 了 泰 國 茄 子 同 炆 ； 咖 喱 汁 惹 味 帶 少 辣 ， 送 飯 最 。
I 滷 水 鵝 掌 $35
鵝 掌 腍 滑 易 啜 ， 而 且 帶 滷 水 香 ， 不 太 鹹 ； 可 冷 食 或 暖 食 。
J 花 雕 醉 雞 翼 $36 （ 8 隻 ）
雞 翼 同 以 兩 種 花 雕 浸 製 ， 皮 爽 肉 滑 ， 但 酒 帶 點 苦 味 。
K 白 菜 豬 肉 雲 吞 $48/18 隻
用 有 機 白 菜 和 健 味 豬 炮 製 ， 鮮 爽 健 康 ； 肉 餡 用 人 手 剁 爛 ， 質 感 鬆 化 ， 加 上 有 不 可 告 人 的 雪 藏 竅 妙 ， 令 雲 吞 幾 時 食 都 似 新 鮮 包 製 的 。 煮 前 用 濕 布 蓋 15 分 鐘 解 凍 便 不 易 爆 裂 。

老 字 號

地 址 ： 銅 鑼 灣 耀 華 街 24 號 地 下
電 話 ： 2643 3199
營 業 時 間 ： 10am-9pm （ 星 期 一 至 六 ） ； 12nn-9pm （ 星 期 日 ）